اهلا بكم اعضائنا الكرام اليوم سوف نقدم لكم افضل الطرق لنزول وزن جسمك بطريقه صحيه بدون استخدام اى عقاقير او ادويه وسوف نتناول اهم النصائح والتعليمات فى السطور القادمه
هاااى مساء الخير عليكم انا ناويه انهاردا اتكلم معاكم بلغتى العربيه المصريه بطبعتى ومن غير مااستخدم اللغه العربيه العامه فسامحونى لو فى بعض القراء مفهموش بعض المصطلحات وانا هحاول على قد مااقدر اوصلكم افكارى وتجربتى اللى مشيت عليها وخسيت فيها
1.ابدء يومك بكوبايه مايه دافيه ومعصور عليها نص لمونه ومتغليش الليمون على النار
2.وجبه الفطار اهم حاجه تعلى الحرق طول اليوم اننا لازم نفطر الصبح فى بدايه يومنا وياريت فطار خفيف زى الجبنه القريش او 2 بيضه مسلوقه مشروبك المفضل بسكر دايت او من غير سكر
3.اول حاجه من بعد الساعه 8 المغرب نحاول على قد مانقدر اننا مناكلش فاكهه او نشويات زى الرز والمكرونه والبطاطس المقليه ونقلل سكريات زى الحلويات والجاتوا
4.السناكس بتاعك بين الوجبات تكون ثمره فاكهه واحده من نوع واحد او خياره او جزره ويكون السناكس بعد الوجبه بساعه وقبل الغدا بساعه
5.ليك 3معالق سكر فى اليوم كلوا هتستخدميهم فى مشروب على مدار اليوم براحتك
6.وجبه الغدا لازم يكون فيها نسبه بروتين عاليه ياعنى ممكن مثلا يكون صدر فرخه منزوع منها الجلد مسلوقه او قطعه لحمه مسلوقه مع رغيف عيش سن او نص رغيف عيش بلدى والاهم من دا كلوا ان لازم يكون فيه طبق سلطه كبير يتاكل قبل الوجبه علشان تبدء تحس بشبع ولو عايز تاكل نشويات ممكن بس بنسب قليله زى 4 معالق مكرونه او 4 معالق رز
7. فيه نصيحه حلوه لو اتبعتها هتفرق كتير فى التخسيس وهى من اهم نصايحنا انهاردا اننا لازم نشرب كوبايه مايه كبيره قبل كل وجبه ومتشربش مايه غير بعد الواجبه بساعه وليك انك تشرب 2 لتر مايه على مدار اليوم
8. خلى كل اكلك صحى بمعنى انك متستخدمش الزيت والسمنه فى اكلاتك غير للضروره وبنسب قليله او بسيطه خالص يفضل يكون الاكل مشوى او مسلوق
9.وجبه العشا لازم تكون خفيفه يعنى حلو اوى انك تتعشا علبه زبادى لايت عليها عصره ليمون مش نص ليمون علشان متعملش حموضه قبل النوم وياريت تكون وجبه العشا قبل معاد النوم بساعتين على الاقل وقبل الساعه 11 مساء
10.النوم بدرى والاستيقاظ بدرى والفطار بدرى هما من اساسيات نجاح اى نظام غذائى هتتبعيه
وبكدا نكون خلصنا نصايحنا انهاردا واعتبريه مش دايت دا اسلوب حياه صحى وطبيعى
الموضوع الجاى انشاء الله هيكون ازاى تخسى بس فى حدود سعراتك الحراريه فى اليوم وهقولك ازاى تحسبى ليكى كام سعر حرارى فى اليوم
استنوا رايحين فين فين بقى الدعوه الحلوه