بقالى كتير بكون مخنوق وزعلان ومضايق بقالى كتير داخل فى حاله ضيق وزعل واكتئاب وكلام كلوا اتغير وبقى كلوا حزن وزعل واكتئاب مبقتش عارف اتكلم زى زمان اكون فرحان ومبسوط حتى الحاجات الحلوه اللى ممكن تحصل فى حياتى مبقتش تفرحنى زى ما كنت بفرح بيها زمان بقيت فرحه محدوده بتاخد وقتها وتعدى بس معرفش ليه انهاردا حصلت حاجه من الحاجات اللى تقريبا دايما بتحصل ومتعود عليها ومبحسش بفرحه منها كتير انهاردا حصلت وحسيت انى فرحان بس المرادى حسيت بفرحه مختلفه فرحه فعلا فرحتنى ومش عارف ليه اشمعنا المرادى اللى فرحت كدا انا مبقتش فاهم نفسى ومبقتش انا بتاع زمان اتغيرتى كتير واحاسيس ومشاعر جوايا اتغيرت المهم انى اتبسط وفرحت انهاردا فحبيت اشارككم فرحتى زى ماكنت بشارككم اكتئابى شكرا ليكم وشكرا لكل شخص قرا كلام وشجعنى وشكرا لكل شخص تواجد فى مدونتى البسيطه علشان يقرا الكلام اللى ممكن يكون ملوش اى لازمه بالنسباله شكرا لانك ضعيت ثوانى معدوده من حياتك لاجلى شكرا ليكم جميعا